Людас Румбуціс фармальна будзе галоўным трэнерам «Дняпра-МГЗ»

• 19.03.2019, 18:32

Фактычным настаўнікам магілёўскага клуба будзе Іван Біёнчык.

Людас Румбуціс фармальна будзе галоўным трэнерам «Дняпра-МГЗ». Экс-настаўнік беларускай моладзевай каманды значыцца ў паперах, пададзеных клубам для праходжання ліцэнзавання. У спецыяліста ёсць трэнерская ліцэнзія катэгорыі Pro, а ў Івана Біёнчыка, які фактычна з'яўляецца галоўным трэнерам «Дняпра-МГЗ», ёсць толькі трэнерская ліцэнзія катэгорыі А. Такая ліцэнзія не дазваляе ўзначальваць каманды вышэйшай лігі.

Дадамо, Румбуціс не будзе ўдзельнічаць у трэніровачным працэсе, але будзе прыязджаць на матчы і, магчыма, прыходзіць на прэс-канферэнцыі, адзначае by.tribuna.com. Акрамя таго, у выканкам БФФ спецыяліста вылучаюць як трэнера «Дняпра-МГЗ».