У нядзелю на поўдні Беларусі – да +14

• 16.03.2019, 11:38

Надвор'е будзе хмарным з праясненнямі.

Да 14 градусаў цяпла чакаецца на поўдні Беларусі 17 сакавіка, аднак уначы і раніцай на асобных адрэзках дарог будзе галалёдзіца. Пра гэта паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

Надвор'е будзе хмарным з праясненнямі. Ноччу на значнай частцы тэрыторыі, удзень у асобных раёнах пройдуць невялікія ападкі, у асноўным дождж. Уначы і раніцай месцамі прагназуецца слабы туман.

Вецер уначы чакаецца заходні парывісты, удзень – паўднёвы, слабы да ўмеранага. Тэмпература паветра ўначы складзе ад 3 марозу да 3 цяпла. У сярэдзіне дня будзе 4–10 вышэй за нуль, на паўднёвым захадзе – плюс 11–14 градусаў.