У Каліфорніі скасавалі смяротнае пакаранне

• 14.03.2019, 19:33

Каліфорнія стала 20-м штатам ЗША, у якім скасавалі смяротнае пакаранне.

У амерыканскім штаце Каліфорнія скасавалі смяротнае пакаранне. Пра гэта сёння ў сваім Twitter паведаміў губернатар Гэвін Ньюс, паведамляе gordonua.com.

З ягоных слоў, пакарання ў штаце чакалі 737 чалавек.

Офіс губернатара 13 сакавіка ў сваім Twitter апублікаваў фота, як з камеры для пакарання ў турме Сан-Квенцін выносяць абсталяванне для правядзення смяротнага пакарання.

Мараторый на смяротнае пакаранне, які падпісаў Ньюс, прадугледжвае адтэрміноўку прывядзення прысуду ў выкананне. Ніхто са зняволеных пры гэтым не будзе вызвалены датэрмінова.

Пасля аднаўлення смяротнага пакарання ў штаце ў 1978 годзе былі пакараныя 13 асуджаных. Апошняя пакаранне адбылася ў 2006 годзе, паведамляе тэлеканал NBC.

У кастрычніку 2018 года Вашынгтон стаў 20-м штатам ЗША, у якім скасавалі смяротнае пакаранне. Агулам у краіне за апошняе дзесяцігоддзе смяротнае пакаранне стала прымяняцца радзей.

У 16 з 30 штатаў, дзе захоўваецца вышэйшая мера пакарання, не было ніводнага пакарання з 1976 года.