Фотафакт: «Пагоня» і бел-чырвона-белы сцяг на выставе ў Менску

• 12.03.2019, 21:43

У Менску адкрылася выстава, прысвечаная 25-й гадавіне прыняцця Канстытуцыі Беларусі.

12 сакавіка ў Музеі сучаснай беларускай дзяржаўнасці ў Менску адкрылася выстава, прысвечаная 25-й гадавіне прыняцця Канстытуцыі Рэспублікі Беларусь, паведамляе euroradio.fm.

На некаторых арыгінальных дакументах і выданнях можна ўбачыць герб «Пагоня» і бел-чырвона-белы сцяг, якія былі дзяржаўнымі ў 1991-1995 гадах.

На выставе прэзентаваныя і выданні Канстытуцыі БССР. У 1927 годзе яе выдалі на чатырох мовах - беларускай, расейскай, польскай і на ідыш.