Ілона Маск: Украіна адыграла галоўную ролю ў касманаўтыцы СССР
- 12.03.2019, 18:15
РФ не здзейсніла рэвалюцыі і выкарыстоўвае старую савецкую спадчыну.
На думку кіраўніка кампаніі SpaceX Ілона Маска, у свеце пакуль яшчэ няма роўных дзейнаму расейскаму ракетнаму рухавіку, аднак у развіцці касмічнай галіны СССР і, адпаведна, РФ "галоўную ролю" адыграла Украіна. Адпаведны твіт ён размясціў незадоўга перад адстыкоўкай карабля Crew Dragon ад МКС і яго прызямленнем, піша liga.net.
Адзін з карыстальнікаў сацсетак напісаў пад заявай бізнэсоўца пра "найлепшы з цяпер выкарыстаных рухавікоў", што (паводле слоў Маска) "шыкоўнае расейскае ракетабудаванне" бярэ карані з ракетабудавання СССР, якое, у сваю чаргу, базуецца на працах украінскіх навукоўцаў і інжынераў.
Рэагуючы на заяву суразмоўцы пра тое, што "за 28 апошніх гадоў Расея не здзейсніла касмічнай рэвалюцыі і дагэтуль выкарыстоўвае старую савецкую спадчыну", кіраўнік SpaceX напісаў: "Украіна сапраўды адыграла асноўную ролю".