У Наваполацку два ласі ў час розруху гулялі па праезнай частцы

• 10.03.2019, 13:48

Як раз у гэты час працаўнікі «Паліміру» вярталіся дадому.

Двое сахатых з'явіліся на «завадской» дарозе ў Наваполацку 5 сакавіка. Гэта здарылася ў час розруху, а 17.45, калі работнікі прадпрыемстваў наваполацкай прамзоны масава едуць дадому, піша ABW.by.

Відавочца Сяргей напісаў:

«Да горада - блізу кіламетра. Прама праз калону аўто рушылі двое ласёў. Яны ішлі ад садовага таварыства ў бок завода «Палімір». Самае цікава, што ў гэтым месцы яны часта гуляюць. Мабыць, праз тое, што на працягу ўсёй дарогі ідзе цеплатраса і толькі ў праездзе да лецішчаў ёсць праход праз цеплатрасу, якім яны і скарысталіся. Дзякуй богу, што пакуль з іх удзелам ніякіх ДТЗ на гэтым участку дарогі не адбылося».