У Маладзечанскім раёне старадаўні вадзяны млын выставілі на продаж

• 24.02.2019, 18:13

Кошт выстаўленай нерухомасці - 55 тысяч даляраў.

Закінуты вадзяны млын з Гарадка, які з'яўляецца адной з самых вядомых славутасцяў Маладзечанскага раёна, выставілі на продаж.

Як піша "Наша Нива", будынак быў пабудаваны ў 1875 годзе і з'яўляецца помнікам прамысловай архітэктуры з элементамі нэаготыкі. Млын стаіць на рацэ Бярэзіне. У апісанні гаворыцца, што чатырохузроўневы будынак можна пераабсталяваць у аграсядзібу, гатэль або ў гідраэлектрастанцыю «з сур'ёзным прыбыткам».

Аўтарам праекту стаў Аўрам Бергер. Гэта комплекс збудаванняў, у які ўваходзілі сам млын, мост, дамба, гаспадарчыя прыбудовы. Да млына прылягае тэрыторыя 20 сотак зямлі.