Качанава пачала выконваць загад Лукашэнкі «бегаць па трасе»

• 24.02.2019, 17:37

Кіраўніца адміністрацыі дыктатара прыехала на лыжныя спаборніцтвы для працоўных калектываў.

Спаборніцтвы ў біятлоне і лыжных гонках прайшлі 23 лютага ў менскім мікрараёне Вяснянка. На лыжы сталі не прафесійныя спартоўцы, а аматары. Падтрымаць іх прыйшлі шматлікія гледачы. Сярод іх апынулася і кіраўніца адміністрацыі кіраўніка краіны Наталля Качанава, паведамляе «Прессбол» .

– У свой час мы шмат займаліся гэтым відам спорту, таму што ў школе ўрокі фізічнай культуры праходзілі зімой, калі дазваляла надвор'е, праходзілі заўсёды толькі на лыжах. А надвор'е тады дазваляла заўсёды.

Я ўвогуле выступала і за каманду горада, калі працавала там, у рэгіёне.

Хварэю за спорт, за здаровы лад жыцця, за добры настрой, за свята, – сказала Качанава ў эфіры СТВ.

Нагадаем, раней Лукашэнка заявіў, што прымусіць Качанаву, а яна ўвесь народ, бегаць па трасе.