У Менску моцны вецер сарваў навес з прыпынку і зламаў дрэва
- 22.02.2019, 19:16
У сталіцы парывы ветру дасягаюць 15-20 м/с.
У Менску вецер сарваў навес з прыпынку і зламаў дрэва. Пра гэта паведамляюць гараджане.
Карыстальнік твітэра Марыя Тумас паведаміла, што на вуліцы Кульмана, побач з домам №24, праз моцны вецер зламалася высокае дрэва.
А на прыпынку «Княгінінская» парывісты вецер пашкодзіў навес. Пра гэта відавочца паведаміў агенцтву «Минск-Новости».
Сіноптыкі папярэджвалі: удзень у пятніцу, 22 лютага, у Менску чакаецца ўзмацненне ветру парывамі да 15-20 м/с.