Названыя самыя даступныя для турыстаў гарады Еўропы

• 22.02.2019, 12:30

Абнародаваны спіс бюджэтных турыстычных кірункаў для падарожнікаў.

Нямецкае выданне Instyle апублікавала рэйтынг самых танных для падарожжа турыстычных гарадоў Еўропы. Першы радок заняла сталіца Украіны - Кіеў, піша «Сегодня».

«У сталіцы Украіны дзве ночы ў трохзоркавым гатэлі будуць каштаваць у сярэднім толькі 36 еўраў. Піва і капучына каштуюць менш за 1 еўра. Увогуле, выходныя на дваіх у Кіеве будуць каштаваць менш за 250 еўраў», - пазначана ў публікацыі.

Другое месца ў рэйтынгу бюджэтных гарадоў для падарожжаў на выходныя заняў польскі Кракаў, трэцяе - Варшава, на чацвёртым сталіца Сербіі Бялград, на пятым – вугорскі Будапешт.

Самыя бюджэтныя гарады Еўропы для падарожнікаў

Кіеў, Украіна

Кракаў, Польшча

Варшава, Польшча

Бялград, Сербія

Будапешт, Вугоршчына

Рыга, Латвія

Дрэздэн, Нямеччына

Бэрлін, Нямеччына

Браціслава, Славакія

Гамбург, Нямеччына