Амбасадары ЕЗ узгаднілі падаўжэнне індывідуальных санкцый супраць Расеі
- 20.02.2019, 17:17
Санкцыі падоўжылі на паўгода.
Амбасадары краін Еўразвязу прынялі пастанову аб падаўжэнні санкцый супраць фізічных асоб і кампаній за агрэсію Расеі супраць Украіны яшчэ на шэсць месяцаў, паведамляе «Европейская правда».
Амбасадары ЕЗ наважылі прадоўжыць замарожванне актываў і забарону на атрыманне віз для 163 чалавек і 44 суб'ектаў, адказных за падрыў тэрытарыяльнай цэласнасці Украіны. Афіцыйна гэта будзе падоўжанае ў пачатку сакавіка. Яшчэ 8 чалавек дададуць пазней за Азоўскае мора.
Амбасадар Украіны ў ЕЗ Мікалай Тачыцкі назваў гэты крок сімвалічным у 5-ю гадавіну пачатку агрэсіі Расеі супраць Украіны.