У Польшчы працягваюць расці заробкі і занятасць

• 19.02.2019, 22:00

Сярэдняя занятасць на польскіх прадпрыемствах вырасла на 2,9%, а заробак - на 7,5%.

У студзені сёлета, у параўнанні з аналагічным перыядам мінулага года, сярэдняя занятасць на польскіх прадпрыемствах вырасла на 2,9%, а заробак - на 7,5%.

Пра гэта паведаміла Галоўнае статыстычнае ўпраўленне Польшчы, паведамляе «Польское радио».

У студзені сярэдні заробак у кампаніях, дзе працуюць больш за 9 чалавек, складаў 4931 злотых (амаль 1140 еўраў). У такіх прадпрыемствах працавала амаль 6 млн 400 тысяч чалавек.

Урад Польшчы прыняў пастанову аб павышэнні з 1 студзеня 2019 мінімальнага заробку ў краіне, які цяпер складае 2250 злотых (блізу 522 еўраў).