Санкцыі ЗША вымушаюць РФ адкласці выпуск новага самалёта MC-21

• 18.02.2019, 19:44

Праз абмежаванні ў РФ перасталі пастаўляць матэрыялы, якія выкарыстоўваюць для вырабу крылаў самалётаў.

Кіраўнік «Растэха» Сяргей Чэмезаў паведаміў пра тое, што Расея адкладзе серыйны выпуск новага самалёта МС-21 да канца 2020 года праз санкцыі ЗША супраць расейскага эканамічнага сектара. Праз амерыканскія абмежаванні ў Расею перасталі пастаўляць кампазітныя матэрыялы, якія выкарыстоўваюць для вырабу крылаў самалётаў, перадаюць расейскія агенцтвы, паведамляе zn.ua.

Агулам тэрміны вытворчасці адклалі на год, паведаміў Чэмезаў на вайсковай выставе IDEX-2019 у Абу-Дабі.

Адзначаецца, каб кампенсаваць адсутнасць кампазітнага матэрыялу расейскія авіяканструктары вымушаныя перайсці на матэрыялы ўласнай вытворчасці, якія са слоў кіраўніка «Растэха» «ўжо ёсць у Расеі». Аднак у сувязі з гэтым Чэмезаў не патлумачыў, чаму кампанія адкладае запуск пры наяўнасці «ўласных кампазітных матэрыялаў».

«У сувязі з тым, што амерыканцы спынілі пастаўку кампазітных матэрыялаў, мы пераходзім на свае кампазітныя матэрыялы. Неабходныя распрацоўкі і расейскія партнёры, між іншым «Расатам», ужо ёсць», - сказаў кіраўнік «Растэха».

Пра спыненне паставак кампазітных матэрыялаў для крылаў МС-21 у студзені пісала расейская газета «Коммерсантъ». Прычынай спынення паставак сталі абмежаванні ў дачыненні да расейскіх кампаній: АТ «Аэракампазіт», што ўваходзіць у ААК, і АТ «ОНПП» Тэхналогія «імя Рамашын» («Растэх»). Гэтыя кампаніі завозілі ў Расеі з ЗША і Японіі кампаненты вытворчасці амерыканскай Hexcel і японскай Toray Industries. Супрацоўніцтва скончылася пасля ўвядзення восеньскіх санкцый супраць Расеі.