Названы самыя ідэальныя аўто
- 18.02.2019, 18:12
Некалькі аўтамабіляў перамаглі ў званні ідэальнага для ўсёй сям'і.
Нядаўна было праведзенае даследаванне, якое вызначыла ідэальныя аўтамабілі для сярэднестатыстычнага жыхара. Акрамя таго, у эксплуатацыі аўто ўлічваліся асаблівасці, характэрныя для большасці людзей - любоў да актыўнага адпачынку, наяўнасць дзяцей і жывёл, піша politeka.net.
Самымі аптымальнымі варыянтамі былі названыя Volkswagen Passat Alltrack, Volkswagen Tiguan і Skoda Octavia.
Галоўнымі крытэрамі пры ацэнцы аўтамабіляў былі даступнасць, бяспека, прасторнасць салону, змяшчальнасць, наяўнасць фаркопа для прычэпа, габарыты аўтамабіля, наяўнасць разнастайных функцый. Таксама ў спіс аўто, што ацэньваліся, траплялі паўнапрывадныя мадэлі з клірансам не менш за 170 мм.
У спіс не патрапілі ўсе аўтамабілі, якія прадстаўляюць класы: купэ, кабрыялет, седан, ліфтбек, хэтчбек, мікрааўтобус, мінівэн і джып. Такім чынам, у рэйтынгу прысутнічалі толькі красоверы і ўніверсалы.
Самым аптымальным варыянтам для сям'і быў названы Skoda Octavia. Самым ёмістым быў Volkswagen Passat Alltrack, а яго калега па цэху Volkswagen Tiguan быў самым практычным.
Раней паведамлялася, што экспэрты назвалі самыя бяспечныя аўто пасля краш-тэстаў.
Незалежная арганізацыя еўрапейскай праграмы ацэнкі новых аўтамабіляў (Euro NCAP) апублікавала спіс найбольш бяспечных аўтамабіляў, якія паступаюць у продаж сёлета.
Экспэрты правялі краш-тэсты для аўтамабіляў, ацэньваючы кожную машыну ў чатырох крытычных галінах: дапамога ў забеспячэнні бяспекі, абарона пешаходаў, абарона дарослых пасажыраў і абарона дзяцей.
Аўтамабілі вызначалі па класах: вялікі сямейны аўтамабіль, невялікі сямейны аўтамабіль і красовер.
У катэгорыі «вялікі сямейны аўтамабіль» першынство дасталася мадэлі Audi A6. Аўто прадэманстравала найлепшую сярод усіх даследаваных аўтамабіляў бяспеку дарослых пасажыраў (93%) і дзяцей (85%).