Віцэ-прэм'ер Петрышэнка загадаў БТ зрабіць свае шоў «Голас» і «Х-фактар»

• 18.02.2019, 17:41

Беларускія ўлады ўзяліся за шоў-бізнэс.

«Культура - гэта падмурак, на якім фармуецца і развіваецца нацыя. Ад узроўню развіцця культуры залежыць многае, у тым ліку ўзровень духоўнасці і адукаванасці грамадства», - заявіў БелТА намеснік прэм'ер-міністра Беларусі Ігар Петрышэнка.

Ён адзначыў, што імёны беларускіх талентаў становяцца здабыткам шырокай грамадскасці краіны толькі пасля заявы аб сабе ў замежных тэлешоў і конкурсах. У гэтай сувязі Петрышэнка даручыў Мінкультуры супольна з БТ разгледзець пытанне аб запуску нацыянальнага тэлевізійнага праекта фармату шоў «Голас» ці «Х-фактар».

«Мы самі павінны выяўляць маладыя таленты і падтрымліваць іх. Фонд падтрымкі таленавітай моладзі таксама павінен падумаць над новымі формамі выяўлення нашых талентаў. Гэты падыход трэба зрабіць больш адрасным і эфектыўным», - сказаў ён.