Становіцца зразумелай стратэгія Крамля на выбарах ва Украіне

• ІГАР ЭЙДМАН
• 16.02.2019, 11:53

Гэта не падтрымка нейкага аднаго зручнага кандыдата, але спроба дыскрэдытаваць, а лепш наогул сарваць выбары.

Пуціну ў прынцыпе цяпер не патрэбен легітымны прэзідэнт ва Украіне. Яму неабходна ўвесці краіну ў хаос, дыскрэдытаваць украінскую дэмакратыю перад заходнімі партнёрамі. Расейская прапаганда даўно паўтарае, што Украіна - не адбытая дзяржава. Усе свае рэсурсы Крэмль кіне на тое, каб на найбліжэйшых выбарах пацвердзіць гэты тэзіс.

Пуціну патрэбныя масавыя беспарадкі і сутыкненні падчас выбараў, выкліканыя абвінавачваннямі ў ціску на выбаршчыкаў і фальсіфікацыі. А яшчэ лепш - касаванне прэзідэнцкіх выбараў або іх другога тура. Давер да ўкраінскіх уладаў з боку Захаду быў бы такім чынам сур'ёзна падарваны, не кажучы ўжо пра раскол у самім украінскім грамадстве.

Крэмль будзе спрабаваць зрабіць усё, каб Украіна выйшла з выбарчага працэсу расколатай і пазбаўленай міжнароднай падтрымкі. У гэтым выпадку яе лёгка будзе зжэрці.

Спадзяюся (практычна ўпэўнены), што гэты план рэалізаваць не ўдасца. Але разумець яго трэба, папярэджаны – значыць, узброены.

Ігар Эйдман, Фэйсбук