Apple патэнтуе біяметрычны ключ для аўтамабіля

• 16.02.2019, 11:10

Кампанія распрацавала біяметрычны спосаб верыфікацыі кіроўцы.

На рэсурсе FreePatentsOnline.com заўважылі апісанне патэнтнай заяўкі Apple, якая тычыцца сістэмы аўтарызацыі карыстальніка для доступу да аўтамабіля, паведамляе Хроника.инфо.

Мяркуючы з інфармацыі, Apple распрацавала біяметрычны спосаб верыфікацыі кіроўцы - нешта накшталт аналага Face ID, які выкарыстоўваецца ў цяперашніх iPhone. Распазнаўшы гаспадара, аўто тэарэтычна зможа актываваць персанальныя налады і перавагі: уключыць вашу ўлюбёную музыку, рэжым язды і гэтак далей. Гэта павінна быць зручна ў выпадку з сямейным аўто, на якім ездзяць розныя людзі.

Стан «Apple-мабіля» на гэты момант невядомы. Раней кампанія скараціла 200 супрацоўнікаў, якія працавалі над Project Titan - сакрэтным праектам куперцінцаў у распрацоўцы аўтаномнага транспарту. Аднак не выключана, што Apple прадоўжыла працу над самакіравальным аўтамабілем, але ў іншым фармаце.