У Ватыкане прынялі дэлегацыю Гуайдо

• 12.02.2019, 16:30

Дэлегацыю часовага прэзідэнта Венесуэлы прынялі ў Ватыкане.

Дзяржаўны сакратарыят Ватыкана прыняў дэлегацыю з Венесуэлы ад лідара Нацыянальнай асамблеі Хуана Гуайдо, які абвясціў сябе часовым прэзідэнтам. Пра гэта паведамляе РІА Новости.

«Венесуэльская дэлегацыя была сёння прынятая ў дзяржаўным сакратарыяце. Была пацверджаная блізкасць Святога айца і Святога пасаду да народа Венесуэлы, перш за ўсё, да тых, хто пакутуе», - заявіў журналістам часовы выканаўца абавязкаў кіраўніка службы друку Святога прастола Алесандра Джызоці.

Афіцыйны прадстаўнік Ватыкана падкрэсліў важнасць пошуку «справядлівага і мірнага» развязання для пераадолення крызісу, захавання правоў чалавека ў краіне.