Відэафакт: Турыст выпадкова накарміў мядзведзя сваім iPhone

• 12.02.2019, 12:18

Хлопец думаў, што трымае ў руках яблык, а не смартфон.

У кітайскім заапарку Yancheng Wild Animal World, што знаходзіцца ў горадзе Яньчэн (Чанчжоў) турыст памылкова выкінуў iPhone ў вальер з мядзведзямі. Інцыдэнт адбыўся 7 лютага, піша segodnya.ua cа спасылкай на Daily Mail.

На апублікаваным відэа можна ўбачыць, як хлопец выкідвае свой смартфон, калі праязджае ў цягніку над вальерам. Два мядзведзі зацікавіліся запалым прадметам і пачалі яго нюхаць. Затым адзін з іх узяў белы iPhone у пашчу i панёс яго прэч.

Як патлумачыў мужчына потым, ён кінуў смартфон не адмыслова. Думаў, што трымае ў руцэ яблык, і хацеў пакарміць звяроў.