Фотафакт: У Кіеве Тарас Шаўчэнка стаў Джэкам Вераб'ём
- 12.02.2019, 11:18
У сталіцы Украіны адкрылася выстава ў гонар украінскага паэта і мастака.
Выстава пад назвай «Квантавы скачок Шаўчэнка. Метро» прэзентуе паэта ў розных незвычайных вобразах, піша «Вокруг света».
Тут ёсць Шаўчэнка ў стылі Чалавека-павука, Джэка Вераб'я з «Піратаў Карыбскага мора», саліста гурта Kiss, Фрыды Кало, майстры Ёды з «Зорных войнаў», Элвіса Прэслі, Эйнштэйна, робата Бандэра з «Футурамы» і нават статуі Свабоды.
Аўтарам ілюстрацый стаў Аляксандр Грэхавы, а іх дэманстрацыю арганізаваў Нацыянальны музей імя Тараса Шаўчэнкі. Выстава будзе доўжыцца да 10 сакавіка.