У Віцебску кіроўца грузавіка ўцякаў ад ДАІ, але захрас сярод туй

• 11.02.2019, 9:23

Кіроўца пакінуў кабіну і спрабаваў уцячы.

Уночы 10 лютага інспектары ДАІ ў Віцебску лавілі грузавік, у якім, паводле папярэдняй інфармацыі, знаходзіўся п'яны кіроўца. Ігнаруючы каманды, ён снаваў па горадзе, пакуль не захрас у снезе сярод пасадак. Не здаўся і пасля гэтага, спрабаваў уцячы, але быў злоўлены. Пра некаторыя абставіны гэтай эпапеі распавядаюць у Дзяржаўнай аўтаінспекцыі Віцебскай вобласці, паведамляе onliner.by.

Паведамленне аб падазроным грузавіку Ford паступіла блізу гадзіны ночы ў дзяжурную частку ДАІ УУС. Экіпаж адправіўся на пошукі. Убачыўшы патрульны аўтамабіль з уключанымі чырвона-сінімі маякамі, кіроўца грузавіка паспрабаваў уцячы.

На Маскоўскім праспекце ён не справіўся з кіраваннем, выехаў за межы праезнай часткі і затрымаўся. Пасля гэтага выбраўся з кабіны, спрабаваў схавацца, але быў схоплены.

Пасля ў 29-гадовага мясцовага жыхара ў крыві выявілі 1,08 праміле алкаголю. Складзеныя 9 адміністрацыйных пратаколаў.