Чырвоная картка для Расеі: без якіх спаборніцтваў застануцца спартоўцы

• 9.12.2019, 16:02

Гаворка ідзе пра найбуйнейшыя спаборніцтвы.

WADA адхіліла Расею на чатыры гады ад найбуйнейшых спартыўных спаборніцтваў, а таксама забараніла праводзіць іх у сябе. Гэта значыць, што на Алімпіяды расейскія спартоўцы, відавочна, зноў паедуць пад белымі сцягамі, і пасля перамог ім не стануць ўключаць расейскі гімн, паведамляе «Медуза».

Універсіяда-2023 наогул павінна была адбыцца ў Расеі, і цяпер, мабыць, не пройдзе, калі суд не скасуе пастанову WADA. На Чэмпіянат свету ў футболе, згодна з правіламі ФІФА, не могуць прыехаць «нейтральныя» спартоўцы, толькі каманды, так што Расея, паводле пастановы WADA, павінна прапусціць і яго. Важна, што пакуль афіцыйна федэрацыі і Алімпійскі камітэт не выступалі з заявамі: куды не пусцяць каманды, канчаткова стане ясна пасля гэтага.