Лукашэнка не выключыў, што на перамовах з Пуціным будзе прынятая пастанова пра інтэграцыю
- 5.12.2019, 13:20
Сустрэча адбудзецца 7 снежня.
Лукашэнка заявіў, што прымаць канчатковую пастанову пра інтэграцыю будуць ён і Пуцін, паведамляе РІА "Навіны".
"Расея вялікая, нават у кіраўніцтве Расеі людзі розныя. Некаму хочацца так, некаму гэтак, хтосьці ў сілу сваіх інтарэсаў асабістых і іншых пачынае чагосьці падкручваць, закручваць. Я гэта бачу і кантралюю працэс. І канчатковую пастанову (у пытаннях інтэграцыі – рэд.) мы будзем прымаць удвух (з прэзідэнтам Расеі Уладзімірам Пуціным – рэд.) згодна з іх і нашай Канстытуцыяй", – заявіў Лукашэнка.
Лукашэнка таксама заявіў, што шкадуе, што ўрады, міністры ўсе пытанні "цягнуць наверх".
Таксама Лукашэнка папракнуў так званых парламентарыяў у тым, што "яны слаба ўбівалі ў галовы расейцам, што нам нельга быць па розныя бакі барыкадаў".
"Трэба актыўна ў гэтым кірунку працаваць", – заявіў Лукашэнка.