Мянчук скраў куртку, а калі яго злавілі, праглынуў манеты і выклікаў сабе «хуткую»

• 4.12.2019, 20:30

Мужчына прымераў куртку і «забыўся» за яе заплаціць.

Вечарам 3 снежня ў адным з гандлёвых цэнтраў сталіцы спрацавала трывожная кнопка. Нарад групы затрымання Кастрычніцкага аддзела Дэпартамента аховы выбыў на сігнал і выявіў цікавую карціну, піша kp.by.

Сама прычына выкліку аховы была банальная: мужчына прымераў куртку і «забыўся» за яе заплаціць. Але калі працаўнікі крамы прыгразілі гора-пакупніку міліцыяй, той плюхнуўся на падлогу і выклікаў сам сабе «хуткую». Медыкам, якія прыбылі, ён патлумачыў, што праглынуў завостраныя манеты. Праўда, патлумачыць прычыну свайго дзіўнага ўчынку мужчына не змог.

Рэнтген пацвердзіў: у страўніку ў гора-пакупніка сапраўды знаходзяцца металічныя прадметы. Яму аказалі медыцынскую дапамогу, а па факце крадзяжу курткі праводзіцца праверка, паведамляецца ў тэлеграм-канале МУС Беларусі.