У Сірыі падарвалі бронеаўтамабіль з расейскімі вайскоўцамі

• 2.12.2019, 15:32

Інцыдэнт адбыўся сёння.

Расейскія вайскоўцы падарваліся на міне падчас патрулявання сірыйска-турэцкай мяжы. Пра гэта паведамляе «Інтэрфакс» са спасылкай на Мінабароны РФ.

Інцыдэнт адбыўся ў панядзелак, 2 снежня. Самаробная бомба спрацавала на шляху руху бронеаўтамабіля расейскіх вайскоўцаў у сірыйскім горадзе Кабані. Трое вайскоўцаў атрымалі лёгкія траўмы і ўдары - іх жыццю нішто не пагражае. Бронеаўтамабіль быў пашкоджаны ў выніку выбуху.

У лістападзе расейскія патрулі некалькі разоў зазнавалі напады мясцовых жыхароў. Так, 8 лістапада расейска-турэцкі патруль закідалі камянямі ў горадзе Дзрыку, а 6 лістапада – пад горадам Кабані.