Уладзімір Арцыман: Ён ужо нагаспадарнічаў, «гаспадарнік», і цяпер прадае краіну

• 16.12.2019, 13:04

Актывіст «Народнай Грамады» апавёў, чаму выйшаў на акцыю ў абарону незалежнасці ў Гародні.

Больш за сотню жыхароў Гародні ўчора ўдзельнічалі ў акцыі ў падтрымку незалежнасці Беларусі і супраць «паглыблення інтэграцыі» з Расеяй. Людзі стаялі з плакатамі, бел-чырвона-белымі сцягамі. Пазней сталі ў жывы ланцуг.

Пра свой удзел у акцыі апавёў экс-кандыдат у «дэпутаты», прадстаўнік «Народнай Грамады» Уладзімір Арцыман:

«20 снежня кіраўнік нашай дзяржавы плануе падпісаць пагадненне пра палітычную інтэграцыю. Нікому канкрэтна невядома, што там яны збіраюцца падпісаць. І я не хачу, каб незалежнасць Беларусі прадавалася за энэргетычныя рэсурсы Расеі. Ён ужо нагаспадарнічаў, “гаспадарнік”, са сваімі міністрамі, са сваім урадам, і цяпер прадае краіну».