«Квартал-95» са сцэны нагадаў Зяленскаму пра нявыкананыя абяцанні

• 16.12.2019, 11:18

Украінскі прэзідэнт прысутнічаў на канцэрце.

Украінская каманда «Квартал 95» падчас свайго канцэрту праспявала для прэзідэнта Уладзіміра Зяленскага, які прысутнічаў у зале, песню з напамінам пра абяцанні «саджаць» карупцыянераў, піша сайт hromadske.ua.

Пра гэта гаворыцца ў відэа прэс-сакратаркі прэзідэнта Юліі Мендэль з Палаца «Украіна» ў Instagram.

«Каму належыць з тварамі суровымі сядзяць пракурорскія са справамі гучнымі. Ёсць да вас пытанне: вясна прайшла даўно, пасадак яшчэ няма, а зімой у вас саджаць не прынята?» – гаворыцца ў тэксце песні.

Падчас прэзідэнцкай кампаніі Уладзіміра Зяленскага найбольш папулярнай была яго рэклама на бігбордах з тэкстам: «Вясна прыйдзе – саджаць будзем».

У распаўсюджаным відэа віцэ-прэм'ер-міністра ў пытаннях еўрапейскай і еўраатлантычнай інтэграцыі Дзмітрыя Кулебы відаць, што Зяленскі прысутнічаў на канцэрце «Квартал».

Ён таксама ўдакладніў, што кіраўнік дзяржавы набыў сабе квіток на канцэрт і паказаў яго са сцэны.