«Змагайцеся за свабоду»: У Ганконгу працягваюцца акцыі пратэсту

• 15.12.2019, 19:21

Мітынг працягваецца напярэдадні сустрэчы лідэркі рэгіёну Кэры Лэм з Сі Цзіньпінам.

У гандлёвых цэнтрах Ганконга сабраліся асобныя групы пратэстоўцаў напярэдадні сустрэчы лідэркі гэтага рэгіёну Кэры Лэм з прэзідэнтам Кітая Сі Цзіньпінам. Пра гэта паведамляе rbc.ua.

Паведамляецца, што пратэстоўцы ўступаюць у паасобныя сутыкненні з паліцыяй. У некалькіх гандлёвых цэнтрах, дзе перад Калядамі традыцыйна шмат наведнікаў, правялі акцыі групы людзей у чорным адзенні і масках, якія выкрыквалі "Змагайцеся за свабоду" і "Вярніце нам правасуддзе".

У адным з такіх ГЦ паліцыя ўжыла пярцовы спрэй, каб разагнаць удзельнікаў акцыі.

Адзначым, што Лэм адбыла ў Пекін напярэдадні 14 снежня. Гэта ейны першы візіт у сталіцу Кітая пасля мясцовых выбараў, на якіх пракітайскія сілы пацярпелі паразу.