Сіноптыкі: Заўтра будзе да +8°С

• 15.12.2019, 22:25

Раніцай чакаюцца невялікія ападкі.

Да 8 градусаў цяпла чакаецца ў Беларусі ў панядзелак, 16 снежня, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

Паводле звестак сіноптыкаў, у найбліжэйшыя суткі будзе пераважаць воблачнае з праясненнямі надвор'е. Ноччу і раніцай магчымыя невялікія кароткачасовыя ападкі (дождж, мокры снег), месцамі слабы галалёд. Чакаецца паўночны вецер (5–10 м/с), парывамі да 14 м/с, раніцай і днём у асобных раёнах – да 15–18 м/с.

Тэмпература паветра ўначы складзе ад мінус 1 градуса да 5 градусаў цяпла, днём будзе 2–8 градусаў цяпла.