Мэркель запрашае ў Нямеччыну кваліфікаваных работнікаў з-за межаў ЕЗ

• 14.12.2019, 22:45

У Нямеччыне прынялі закон, які спрашчае працаўладкаванне работнікаў не з краін-сябраў ЕЗ.

Канцлерка Нямеччыны Ангела Мэркель заявіла пра неабходнасць прыцягваць у краіну кваліфікаваных работнікаў з краін, якія не ўваходзяць у Еўразвяз.

Пра гэта паведамляе «Европейская правда» са спасылкай на Handelsblatt.

«Мы ведаем, што многія сектары і прадпрыемствы адчайна шукаюць спецыялістаў», - сказала Мэркель у суботу.

«Таму неабходна імкнуцца да таго, каб было дастаткова кваліфікаваных работнікаў. Інакш кампаніям давядзецца перамяшчацца - і мы, вядома, гэтага не хочам», - дадала яна.

У чэрвені дэпутаты нямецкага Бундэстагу большасцю галасоў прынялі закон, які значна спрашчае працаўладкаванне кваліфікаваных работнікаў не з краін-сябраў ЕЗ. Закон уступае ў дзеянне 1 сакавіка 2020 года.