Чарнавік песні Элтана Джона прадалі за $240 тысяч

• 14.12.2019, 15:11

Музыку да кампазіцыі Your Song музыка склаў за некалькі хвілін.

Першы рукапісны чарнавік з тэкстам песні Your Song брытанскага спевака Элтана Джона прадалі на аўкцыёне за 180 тысяч фунтаў стэрлінгаў (больш за $240 тысяч). Пра гэта напярэдадні паведаміла выданне Daily Mail.

Тэкст напісаны рукой аўтара Берні Топіна, з якім Элтана Джона звязвалі дзесяцігоддзі шчыльнага супрацоўніцтва.

Прадаўцом выступіла былая жонка Топіна Максін Фібельман, якая калісьці натхніла спевака на кампазіцыю Tiny Dancer.

Сам Элтан Джон успамінаў, што ў 1970 годзе яму спатрэбілася ўсяго некалькі хвілін, каб скласці музыку да кампазіцыі, якая ў выніку заняла сёмы радок у брытанскіх чартах. З тых часоў на яе запісалі каверы Элі Голдзінг і Лэдзі Гага.