Нямеччына выдзеліць мільён еўраў на План дзеянняў Рады Еўропы для Украіны

• 13.12.2019, 20:47

План дзеянняў падтрымлівае рэформы ва Украіне з мэтай садзейнічання дэмакратыі, правам чалавека і вяршэнства права.

Нямецкі ўрад выдзеліць 1 млн еўраў на План дзеянняў Рады Еўропы для Украіны 2018-2021.

Пра гэта паведамляе «Еўрапейская праўда» са спасылкай на прэс-службу амбасады Нямеччыны.

«У пачатку снежня 2019 года Нямеччына зацвердзіла пастанову аб укладзе сумаю 1 млн еўраў у План дзеянняў Рады Еўропы для Украіны. План дзеянняў падтрымлівае рэформы ва Украіне з мэтай садзейнічання дэмакратыі, правам чалавека і вяршэнства права», - гаворыцца ў паведамленні.

Адзначаецца, што гэта самы вялікі ўклад, які Нямеччына калі-небудзь рабіла ў падобныя планы дзеянняў Рады Еўропы ў іншых краінах.

«Нямеччына падтрымлівае намаганні Украіны на шляху да рэформаў, а таксама падтрымлівае супрацоўніцтва з Радай Еўропы. Каб прадэманстраваць нашу падтрымку, мы зрабілі важны фінансавы ўклад у План дзеянняў Рады Еўропы для Украіны. Гэта самы вялікі ўклад, які Нямеччына калі-небудзь рабіла ў падобных планах дзеянняў Рады Еўропы ў іншых краінах», - сказала амбасадарка Нямеччыны ва Украіне Анка Фельдгузен.

У пасольстве нагадалі, што Камітэт міністраў прыняў План дзеянняў для Украіны на перыяд 2018-2021 гадоў на сваім пасяджэнні 21 лютага 2018 года. План дзеянняў Рады Еўропы для Украіны з'яўляецца сумеснай ініцыятывай Рады Еўропы і ўкраінскай улады, якая накіравана, праз супрацоўніцтва, суправаджаць Украіну ў яе намаганнях прывядзення заканадаўства, інстытутаў і практыкі ў адпаведнасць з еўрапейскімі стандартамі ў галіне правоў чалавека, вяршэнства права і дэмакратыі і, дзякуючы гэтаму, падтрымліваць краіну ў выкананні сваіх абавязанняў як дзяржавы-сябра Рады Еўропы. Гэты План дзеянняў таксама будзе спрыяць дасягненню мэтаў Пагаднення аб асацыяцыі паміж Украінай і Еўрапейскім Звязам.