Алесь Круткін выйшаў на волю

• 13.12.2019, 20:01

У ІЧУ Полацкага раёна актывіста сустрэлі паплечнікі.

Сёння выйшаў на волю вядомы відэаблогер і актывіст Алесь Круткін. 15 дзён ён правёў у ІЧУ Полацкага раёна. Тыдзень таму адміністрацыя турмы адмовілася прымаць перадачы для актывіста. Пра гэта паведамляе прэс-служба грамадзянскай кампаніі «Еўрапейская Беларусь».

Круткіна павінен быў выйсці на волю а 18.00, але яго не вызвалілі ў указаны раней час. Тым не менш, ля РУУС яго чакалі блізу дзесяці актывістаў.

Пазней высветлілася, што Алеся міліцыянты адвезлі на ўскраіну Полацка, але гэта не перашкодзіла паплечнікам яго сустрэць.