Пасля масавай бойкі ва ўкраінскай Радзе шпіталізаваны дэпутат ад «Слугі народа»

• 11.12.2019, 16:49

У яго падазрэнне на страсенне мозгу.

Ва Украіне народнага дэпутата ад «Слугі народа» Андрэя Богданца шпіталізавалі пасля масавай бойкі падчас пасяджэння парламенцкага камітэта ў пытаннях аграрнай палітыкі, піша «Новое время».

Пра гэта на сваёй старонцы ў Facebook заявіла ягоная калега з фракцыі Яўгенія Краўчук.

«Андрэй з падазрэннем на страсенне мозгу ў лякарні. Мы заяўляем аб недапушчальнасці ўсялякага ціску на народных дэпутатаў пры абмеркаванні і прыняцці дзяржаўных пастаноў, у тым ліку і ў першую чаргу - з выкарыстаннем сілы», - напісала яна.