Нобелеўскую прэмію міру ўручылі прэм'еру Эфіопіі
- 10.12.2019, 19:37
Ён атрымаў прэмію за развязанне памежнага канфлікту з Эрытрэяй.
У нарвежскім Осла адбылося ўручэнне сотай Нобелеўскай прэміі міру, узнагароду атрымаў прэм'ер-міністр Эфіопіі Абій Ахмед. Пра гэта паведамляе rbc.ua са спасылкай на сайт Нобелеўскага камітэта.
Паведамляецца, што Нобелеўскую прэмію Ахмеду прысудзілі за намаганні ў дасягненні міру і развязанне памежнага канфлікту з суседняй Эрытрэяй. Акрамя таго, Нобелеўскі камітэт адзначыў працу Ахмеда для дасягнення міру ў рэгіёнах Усходняй і Паўднёва-Усходняй Афрыкі.
Таксама паведамляецца, што на цырымоніі самы малады палітычны лідар Афрыкі заявіў, што бяспецы ў рэгіёне Афрыканскага Рога пагражаюць «экстрэмісцкія групоўкі і глабальныя вайсковыя дзяржавы».