Відэафакт: Пра што гаварыла моладзь на сустрэчы на плошчы Свабоды

• 9.11.2019, 20:10

Маладыя беларусы рэзка выказаліся аб хвалюючых іх праблемах.

У Менску 8 лістапада самы папулярны блогер у Беларусі NEXTA правёў сустрэчу з падпісантамі. Падчас акцыі моладзь актыўна выказвалася пра праблемы, якія турбуюць сёння беларусаў: АЭС, беларускую мову, «выбары», новы закон пра адтэрміноўку ад войска, паведамляе «Радыё Свабода».

Гаварылі і пра тое, чаму моладзь масава з'язджае з краіны.

Адзначым, што каардынатар грамадзянскай кампаніі «Еўрапейская Беларусь» Яўген Афнагель на сустрэчы NEXTA заклікаў сабрацца 15 лістапада на Кастрычніцкай плошчы. Мітынг будзе цалкам легальным, бо да 17 лістапада ў Беларусі прадаўжаецца выбарчая кампанія, і ўсё будзе праходзіць у рамках агітацыйнай кампаніі кандыдатаў у дэпутаты.