Аляксандр Глеб: Пасля гэтага сезону заканчваю кар'еру

• 8.11.2019, 16:35

Нечаканае прызнанне зоркі беларускага футболу.

Паўабаронца «Іслачы» Аляксандр Глеб заявіў, што па заканчэнні сезона скончыць кар'еру. Пра гэта ён паведаміў у рамках праграмы «КраСава» на YouTube, піша «Трибуна».

- «Іслач»... Што ты робіш у гэтым клубе? Чаму ты яшчэ не скончыў з футболам?

- У БАТЭ я атрымліваў мала практыкі. Ну не нагуляўся - захацелася яшчэ парухацца.

- То бок, ты рэальна яшчэ хочаш рухацца?

- Пасля гэтага сезону рухацца больш не хачу.

- То бок, цяпер у мяне інсайд: пасля гэтага сезону ты заканчваеш з футболам?

- Так, усё, досыць.