У першы дзень зімы ў Беларусі будзе да +1 градуса

• 30.11.2019, 17:00

У нядзелю ўначы слупок тэрмометра апусціцца да -7.

Туман, галалёдзіца і да 7 градусаў марозу чакаецца ў Беларусі 1 снежня, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У нядзелю будзе воблачна з праясненнямі. Уночы ў асобных раёнах пройдуць невялікія ападкі, у асноўным снег. Удзень будзе пераважна без ападкаў. Месцамі чакаюцца слабыя туман і галалёд, на асобных адцінках дарог галалёдзіца. Вецер прагназуецца заходні 4-9 м/с.

Тэмпература паветра ўначы складзе 1-7 градусаў марозу, удзень - ад мінус 4 да плюс 1 градуса.