Выбары прэзідэнта Польшчы: журналіст і вядоўца выйшаў на трэцяе месца ў рэйтынгу

• 22.11.2019, 13:34

Лідарства, паводле апытанняў, утрымлівае дзейны прэзідэнт Польшчы Анджэй Дуда.

Прэзідэнт Польшчы Анджэй Дуда з'яўляецца безумоўным лідарам свежага апытання - калі б выбары адбыліся цяпер, за яго прагаласаваў бы 41% рэспандэнтаў. Трэцяе месца з лідарам Польскай сялянскай партыі падзяляе журналіст і вядоўца Шымон Галаўня.

Такія звесткі апытання Maison&Partners ад 15-19 лістапада, паведамляе Onet.

Калі выбары павінны адбыцца ў гэтую нядзелю, больш за 70% рэспандэнтаў, з іх слоў, узялі б у іх удзел.

На пытанне аб тым, за каго са спісу вы б галасавалі, 41% рэспандэнтаў паказалі на Анджэя Дуду. 21% прагаласаваў бы за Малгажату Кідаву-Блоньску («Грамадзянская платформа»). Шымон Галаўня і Уладзіслаў Касіняк-Чарот (PSL) атрымалі б па 8% кожны. У апытанні Роберт Бедрань («Вясна») атрымаў 7% галасоў, а Кшыштаф Босак (правая «Канфедэрацыя») - 2%. 12% выбралі варыянт «Цяжка сказаць».

Выбары пройдуць у траўні 2020 года.