Сасланага ў Магілёў Русага ўзнагародзілі

• 20.11.2019, 16:08

Дзе логіка?

Былога віцэ-прэм'ера, а цяпер памочніка Лукашэнкі - інспектара Магілёўскай вобласці Міхаіла Русага ўзнагародзілі Ганаровай граматай Савета міністраў. Гэта зацверджанае пастановай Саўміна №773 ад 18 лістапада 2019 года, паведамляе "Еўрарадыё".

Чыноўніка ўзнагародзілі "за шматгадовую плённую дзейнасць, высокі прафесіяналізм, значны асабісты ўнёсак у развіццё аграпрамысловага комплексу Рэспублікі Беларусь і рэалізацыю дзяржаўнай палітыкі".

Аднак, на цяперашнюю пасаду Русы быў сасланы вясной пасля таго, як Аляксандр Лукашэнка прыехаў у Шклоўскі раён і зрабіў "разнос у кароўніку". Перад гэтым Русы займаў пасаду віцэ-прэм'ера. Разам з Русым Лукашэнка саслаў у Магілёўскую вобласць экс-міністра сельскай гаспадаркі Леаніда Зайца, якога прызначыў старшынём Магілёўскага аблвыканкама.