Для здабычы карысных выкапняў на Месяцы распрацуюць адмысловую тэхніку

• 2.11.2019, 11:27

Засталося толькі абараніць яе ад выпраменьвання і мікраметэарытаў.

Яшчэ ў пачатку 80-х гадоў кампаніі Komatsu, Caterpillar і John Deere пачалі працы для стварэння машынаў з дыстанцыйным кіраваннем, якія маглі б дзейнічаць у складаных і небяспечных умовах без непасрэднага ўдзелу чалавека. У Caterpillar падкрэслілі, што ўкараненне падобнай тэхнікі дазволіла б на 20% павысіць прадукцыйнасць працаў і на 80% знізіць колькасць інцыдэнтаў, піша «Папулярная механіка».

У цяперашні час Нацыянальная ўправа аэранаўтыкі і даследавання касмічнай прасторы (NASA) вывучае магчымасць здабычы карысных выкапняў на Месяцы. Пакуль ніякай канчатковай пастановы не прынята, але Caterpillar ужо пачаў падрыхтоўку да адаптацыі сваёй тэхнікі для працы ў космасе, паведамляе CNBC.

Нагадаем, у перыяд з 2004 да 2013 года Caterpillar ужо супрацоўнічаў з NASA, але афіцыйна аднаўленне супольнай працы яшчэ не пацверджанае. У цяперашні час інжынерам Caterpillar трэба пастанавіць, як абараніць сваю тэхніку ад касмічнага выпраменьвання і патэнцыйных траплянняў мікраметэарытаў.