Шэсць краін заклікалі Еўракамісію паскорыць працэс інтэграцыі Заходніх Балкан

• 19.11.2019, 21:38

Ліст падпісалі міністры замежных спраў Польшчы, Аўстрыі, Чэхіі, Славакіі, Славеніі і Італіі.

Шэсць краін, уключаючы Польшчу, заклікалі Брусэль да хутчэйшага пачатку перамоў з Паўночнай Македоніяй і Албаніяй. Ліст, адрасаваны старшыні Еўрапейскай камісіі, падпісалі міністры замежных спраў Польшчы, Аўстрыі, Чэхіі, Славакіі, Славеніі і Італіі, паведамляе «Радыё Польшча».

Нагадаем, у сярэдзіне кастрычніка некаторыя краіны Еўразвязу, уключаючы Францыю, заблакавалі пачатак перамоў аб членстве ў Еўрапейскім звязе Албаніі і Паўночнай Македоніі.

Кіраўнікі Міністэрстваў замежных спраў шасці краін напісалі, што ў 30-ю гадавіну падзення жалезнай заслоны, што знаменавала аб'яднанне Еўропы, немагчымае заканчэнне гэтага працэсу без Заходніх Балкан. Больш за тое, не могуць узнікаць сумневы ў тым, што стабільнасць і бяспека, а таксама працяг рэформаў у рэгіёне могуць быць дасягнутыя дзякуючы інтэграцыі ў Еўрапейскі звяз, - гаворыцца ў лісце.

Кіраўнікі МЗС падкрэслілі, што дасягненне гэтай мэты з'яўляецца ключавым для бяспекі ЕЗ, таму не варта згаджацца з зацягваннем працэсу.

«Няма альтэрнатывы паўнавартаснага сяброўства краін Заходніх Балкан ў Еўрапейскім звязе, калі мы хочам эфектыўна абараняць нашы інтарэсы ў гэтым рэгіёне», - напісалі міністры.

Таксама дыпламаты заклікалі Еўракамісію да студзеня наступнага года падрыхтаваць канкрэтныя прапановы, якія паскораць працэс інтэграцыі Заходніх Балканаў у ЕЗ.