Паэт Арлуша: Пуціна прызначыў алігарх Беразоўскі

• 18.11.2019, 10:03

Гэта было ягонай вялікай памылкай.

Прэзідэнтам Расеі Уладзіміра Пуціна "прызначыў" не першы кіраўнік дзяржавы Барыс Ельцын і не расейскія алігархі, а бізнэсмэн Барыс Беразоўскі. Пра гэта расейскі экс-паліттэхнолаг Андрэй Арлоў, вядомы як паэт Арлуша, заявіў Аглядальніку ў інтэрв'ю, апублікаваным 16 лістапада.

"Ні Ельцын, ні астатнія алігархі Пуціна не ставілі, яго выбіраў толькі Барыс Беразоўскі. Ніякай сямібанкіршчыны і алігаршчыны тады не было. Пуціна прызначыў Беразоўскі. Гэта была ягоная вялікая памылка, за якую ён і паплаціўся жыццём. Людзі Пуціна яго ў выніку, я думаю, і забілі", – сказаў ён.

Былы паліттэхнолаг патлумачыў, што сам "крыху ўдзельнічаў у стварэнні" прэзідэнта з Пуціна, працуючы з Беразоўскім.

"Ён тады кіраваў і ў Адміністрацыі прэзідэнта, і ў Радзе бяспекі. Я яму казаў, што ён здзяйсняе сістэмную памылку, але ён надумаў, што бываюць былыя кадэбэшнікі", – адзначыў Арлуша.

Пуцін прыйшоў да ўлады ў Расеі ў снежні 1999 года, калі Ельцын сышоў у адстаўку праз стан здароўя і прызначыў Пуціна выканаўцам абавязкаў прэзідэнта.

Беразоўскі быў савецкім і расейскім прадпрымальнікам, палітыкам і навукоўцам. З 2000 года з'яўляўся палітычным апанентам Пуціна. З 2001-га ён знаходзіўся ў вышуку паводле абвінавачвання ў махлярстве, адмыванні грошай і спробе гвалтоўнага захопу ўлады. З 2003 года Беразоўскі пражываў у Вялікай Брытаніі ў статусе палітычнага бежанца.

Цела 67-гадовага Беразоўскага знайшлі ў сакавіку 2013 года ў ягоным доме ў Вялікай Брытаніі. Галоўная версія следства – самагубства. Бізнэсмэн пахаваны на могілках у брытанскім графстве Сурэй.

У 2018 годзе старэйшая дачка Беразоўскага Лізавета заявіла, што яе бацьку маглі цкаваць, каб усім навакольным здавалася, што ён знаходзіцца ў дэпрэсіі, а ў выніку забіць, зымітаваць самагубства.