АБСЕ збярэ інфармацыю аб укідванні бюлетэняў

• 17.11.2019, 20:15

Прадстаўнікі місіі БДІПЧ АБСЕ паінфармаваныя аб інцыдэнце на выбарчым пункце ў Берасці.

Назіральнікі Бюро дэмакратычных інстытутаў і правоў чалавека Арганізацыі бяспекі і супрацоўніцтва ў Еўропе (БДІПЧ АБСЕ) збяруць усе звесткі аб інцыдэнтах з укідваннем бюлетэняў.

Так старшыня місіі БДІПЧ АБСЕ Корын Ёнкер пракаментавала інцыдэнт на выбарчым пункце ў Берасці, дзе назіральнік зафіксаваў спробу ўкідвання туды бюлетэняў, перадае «Радыё Свабода».

Як раней паведамляў сайт Charter97.org, у Берасці працаўніца дзіцячага садка спрабавала ўкінуць пачак бюлетэняў.