Відэафакт: Вызваленыя ўкраінскія караблі прайшлі пад Крымскім мостам

• 17.11.2019, 15:21

Судны плывуць у Чорнае мора.

Захопленыя РФ украінскія караблі, якія напярэдадні выйшлі з Керчы, прайшлі пад Крымскім мостам.

Пра гэта паведамляе «Керчь.ФМ».

Раней адэскае выданне «Думская» паведаміла, што Украіна адправіла буксіры «Тытан» і «Гайдамак» і пошукава-выратавальны карабель «Сапфір» па захопленыя ў Керчанскай пратоцы судны.

У той жа час Міністэрства замежных спраў РФ зняпраўджвала пагадненне аб вяртанні Украіне захопленых у Керчанскай пратоцы караблёў да правядзення саміту ў нармандскім фармаце.

25 лістапада 2018 года РФ захапіла ў Керчанскай пратоцы ўкраінскі буксір «Яны Капу» і малыя браняваныя артылерыйскія катэры «Бярдзянск» і «Нікапаль», якія накіроўваліся з Адэсы ў Марыупаль. На борце караблёў былі 22 вайсковя маракі і двое супрацоўнікаў СБУ. Раней паведамлялася, што Расея мае намер вярнуць Украіне вайсковыя караблі, захопленыя ля Керчанскай пратокі.

25 траўня 2019 года Міжнародны трыбунал ААН у марскім праве пастанавіў, што Расея павінна вызваліць украінскіх маракоў і перадаць Украіне захопленыя ўкраінскія судны.

7 верасня 2019 года ўкраінскія маракі і супрацоўнікі СБУ вярнуліся ва Украіну ў рамках узаемнага вызвалення захопленых асоб.