Белы дом: Сірыйскія курды застаюцца хаўруснікамі ЗША

• 13.11.2019, 12:19

Заява была зробленая напярэдадні сустрэчы Трампа з Эрдаганам.

Злучаныя Штаты не збіраюцца выходзіць з альянсу з сірыйскімі курдамі, якія ўваходзяць у склад Сірыйскіх дэмакратычных сіл (СДС). Пра гэта заявіў высокапастаўлены супрацоўнік адміністрацыі Белага дома, паведамляе «Голас Амерыкі».

Раней Турцыя запатрабавала, каб Вашынгтон спыніў падтрымку курдскіх баевікоў, якіх Анкара ўважае за тэрарыстаў.

«[У нас] няма намеру спыняць гэтае супрацоўніцтва», - заявіў высокапастаўлены супрацоўнік Белага дома падчас тэлефоннай прэс-канферэнцыі, якая прайшла напярэдадні сустрэчы прэзідэнта Дональда Трампа з ягоным турэцкім калегам Таіпам Рвджэпам Эрдаганам.

Лідвры ЗША і Турцыі правядуць перамовы ў Белым доме ў сераду, 13 лістапада.