Кембрыджскі слоўнік абраў слова года
- 12.11.2019, 16:40
Яно з'явілася ва ўжытку толькі ў 2011 годзе.
Кембрыджскі слоўнік назваў словам года upcycling. Гэта выраб мэблі, адзення і іншых прадметаў з перапрацаваных матэрыялаў, піша часопіс «Нож».
Са снежня 2011 года, калі гэтае слова ўпершыню ўнеслі ў электронны слоўнік, частата яго ўжывання вырасла на 181%. Запыты, звязаныя з гэтым словам, падвоіліся за апошні год.
У шорт-ліст Кембрыджскага слоўніка ўвайшлі:
carbon sink - паглынальнік вугляроду (лес, які можа паглынаць дастатковую колькасць вугляроду і памяншаць парніковы эфект);
compostable – матэрыял, які можна кампаставаць;
preservation - захаванне (прыродных рэсурсаў).
Складальнік слоўніка Collins Dictionary назвалі словазлучэннем года «кліматычны страйк» (climate strike).