У Менску знайшлася зніклая 6-гадовая школьніца

• 11.11.2019, 14:51

(aбноўлена) З ёй усё добра.

У Менску знайшлі 6-гадовую Дыяну Вялічку, якая раніцай 11 лістапада пайшла са школы ў невядомым кірунку. Аб вышуку раней паведамлялі ў ГУУС Менгарвыканкама.

Прыкладна а палове на 14-ю дзяўчынкі паведамілі ў сацсетках, што яна вярнулася дадому. Са школьніцай усё добра.

Як паведамляе прэс-служба Следчага камітэта, праз знікненне дзіцяці на месца здарэння выбывала следча-аператыўная група. Да таго, як дзяўчынка знайшлася, паспелі агледзець яе асабістыя рэчы, вывучыць камеры відэаназірання і апытаць работнікаў школы.

Нагадаем, 6-гадовая Дыяна сёння, прыкладна а 09.36, выйшла са школы №32 на вуліцы Камайскай, 18, і прапала.