Які будзе надвор'е на пачатку тыдня
- 10.11.2019, 22:50
Прагноз сіноптыкаў на 11 лістапада.
Воблачна і да 14 градусаў цяпла будзе ў Беларусі 11 лістапада, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
На большай тэрыторыі краіны пройдуць дажджы, уначы - моцныя. Месцамі ўначы і раніцай згусціцца слабы туман. Вецер будзе пераменных напрамкаў, месцамі парывы да 14 м/с.
Тэмпература паветра на працягу дня складзе ад 5 да 11 градусаў цяпла. Удзень на паўднёвым усходзе паветра прагрэецца да 12-14 градусаў.