У РФ у пасажырскага самалёта Superjet-100 адмовіў рухавік

• 1.11.2019, 18:45

Самалёт належыць авіякампаніі «Ямал».

Пасажырскі самалёт Superjet-100 рыхтуецца да аварыйнай пасадкі ў расейскай Цюмені.

Пра гэта паведамляе ТАСС са спасылкай на крыніцу.

У самалёта, паводле папярэдніх звестак СМІ, адмовіў адзін з рухавікоў. Лайнер, на борце якога 80 пасажыраў і шасцёра чальцоў экіпажа, выпрацоўвае паліва.

Нагадаем, 5 траўня ў маскоўскім аэрапорце Шарамеццева зрабіў экстранную пасадку самалёт Sukhoi Superjet 100, які ляцеў у Мурманск. Падчас пасадкі авіялайнер загарэўся.

Паведамляецца, што падчас жорсткай пасадкі лайнер тройчы сутыкнуўся з узлётна-пасадачнай паласой.

Паводле афіцыйных звестак Следчага камітэта РФ, загінуў 41 чалавек з 78 на борце.